Heile skulen er no i gong med å laga ulike bøker. Me har eit norsktema der det å skriva står i fokus. 1.-2. klasse har allereie laga ei kjempeflott fellesbok. No er turen kommen til 3.-4. klasse som starta idemyldringa ute i snøen.

Søndag 27. november var det igjen tid for den årlege adventsbasaren som FAU arragerer. Elevane har i lang tid øvd på julespelet, "Juleforviklingar", som dei viste for foreldra. Etter at underhaldninga var ferdig, var grauten klar. Kjempegodt!

Sol og kjempeflott vêr gjorde denne haustdagen til ein heilt perfekt dag å vera ute i. Elevane har stelt dyra, sett på veren som ville para seg, lært mykje nytt om hesten, og dei har laga faklar.

Tacosuppe og grove lappar stod på menyen då 3.-4. klasse skulle laga mat i lavvoen. Det er svært gledeleg at gjengen er så flinke til å smaka på ny mat. Mange syntes det var veldig godt.

I dag var det haust på Straumøy gard. Fjøsstellet gjekk som normalt, men Anne måtte visa korleis det skulle sjå ut når ein forlet dyra. I fjøsen stod det ein diger okse, den måtte ingen gå inn til. Grisen, Lilly, var ikkje i form. Ho låg heile tida.